Jaa9 & OnklP
Johnny Engdal (Jaa9) og Pål Tøien (OnklP) har levert stødig med både radiohits og bangarar sidan dei debuterte med «Hvem Faen» i 2002.
Jaa9 & OnklP har vorte veteranar innan rap-sjangeren i Noreg sidan dei to tok steget ut som duo frå rapkollektivet Dirty Oppland, og CV-en med utgjevingar har vorte lang. Dei starta med «Bondegrammatikk», den mest selde mixtapen i Noreg nokosinne. Den fekk enorm merksemd, og allereie året etter kom den fyrste offisielle utgjevinga: «Sjåre Brymæ». Landeplaga «Kjendisparty», samt «Stank Ass Ho» saman med Rune Rudberg, gjorde at gutane vart kjent langt utover hiphop-miljøet i Noreg.
Det vart stille rundt duoen i nokre år, men etter comebacket med «Fredag» og plata «Bondedramatikk» med gamle og nye låtar var vegen igjen kort til platekontrakt.
Med seg til Ål har karane det rykande ferske albumet: «Rake Rør og Tøffe Tak» – me gler oss enormt til å sjå og høyre karane på SundreBall – her blir det liv!