Musikk-quiz
The Fabulous Gjeldokk Brothers stilte ikkje med musikk-quiz i fjor, då den eine av brørne var mistenkt for korrupsjon og hadde mista retten til å stille spørsmål. Saka har endå ikkje vore oppe i quizmasterlauget, men den andre av brørne og ein som antakeleg ikkje er bror, stiller med snodige oppgåver og underfundige svar.
Ta med deg opparbeidd musikkunnskap, nyreinska øyregangar og blankpussa auge, og slå deg i lag med familie, gode naboar, gamle og nye vener, men maks 6 deltakarar på laget. Baren serverar god mat og drikke medan quiz-masterane serverar musikkoppgåver med kryss og b, samt fantastiske premiar, før kveldskonsertane brakar laus fredagskvelden.