No. 4
Popbandet No. 4, beståande av Emilie Christensen, Ingeborg Marie Mohn og Julia Witek, er for mange sjølve “lyden av Noreg”. For det første var songen “Lite og Stort” det som gjorde Widerøe-reklamen som bestod av korte videoklipp frå vanlege folk i heile landet til ein udødeleg reklameklassikar i 2014.
For det andre er No. 4 einstydande med moderne jul for mange av oss, sidan dei kvart år kjem ut med ei nyskrive julelåt som alltid, på perfekt vis, fangar den trist-fine kjensla mange tross alt kjenner på i mørketida.
Og for det tredje: Songane «Alt feil», «Henda i været» og “Vil ikke hjem” har blitt moderne klassikarar som treff lyttarar på tvers av generasjonar. Bandet har i det heile tatt ein sjelden evne til å fange kjenslene i dei små, kvardagslege augneblikka og å beskrive dei presist og kjenslevart.
Hausten 2024 slapp trioen sitt femte album, Indre liv, og sounden er som alltid draumande, jordnær, sjelfull og rå. Med sin ærlege og personlege veremåte er bandet ein livefavoritt i heile Noreg, og når bandet spelar live er konsertane alltid fulle av allsong, dans og elektrisk stemning.
Uansett om SundreBall blir din første No. 4-konsert eller din tiande – du er varmt velkomen!