Odd Nordstoga
Få maktar å skildre poesien i kvardagen slik som Odd Nordstoga klarar, utan at det nokon gong vert klisjefylt eller svulstig. Han syng om skogen, om hausten, og om dagane som kom og gjekk. Han får oss til å danse, sjølv me som ikkje kan det, og til å vilja synge med av full hals om denne grisen som står og hyler.
Odd må ha ei brei og stødig peishylle som kan bera alle prisar han velfortent har fått tildelt i karrieren si så langt. Likevel er det aldri nokon tvil om at denne mannen lev for å spele for publikum, og det er jammen ikkje rart at publikum over heile landet har trykt han til brystet sitt, både i høgtid og på fest.
Ein konsert med Odd Nordstoga følast rett og slett som ei vitamininnsprøyting – eit musikalsk lys i mørketida, anten det er aleine, med fullt band, med andre musikalske gjester, eller med strykeorkester.
Odd er ein nasjonalleverandør av kvalitetsmusikk, og når han kjem til SundreBall er det med både gamle og nye hits i skreppa si. Bli med på allsong og -dans, eller berre ver der, og dans og syng inni deg!