Jonas Alaska
Når ein snakkar om dei verkelege store låtskrivarane i sin generasjon, er det vanskeleg å kome utanom Jonas Alaska. Med udøyelege songar som «October», «If Only as a Ghost», «In The Backseat» og «Morning Light» har han for lengst skrive seg inn i den norske musikkhistoria. Allereie med debutalbumet vart han trippelnominert til Spellemann, og sidan den gong har han gitt ut seks album som har fått strålande mottaking både her heime og internasjonalt.
Etter suksessen med det kritikarroste «Roof Came Down» i 2020, sette Alaska seg ned med eit mål om å skrive poplåtar for andre artistar. Men undervegs blei han så glad i materialet at ville behalde alt sjølv – og slik blei det sjuande albumet «Girl» fødd. Den litt utypiske plata fekk stor merksemd og førte til mykje radiospeling på P3, P13 og P1.
No er Jonas Alaska tilbake der mykje starta: nesten heilt åleine med gitaren og pianoet. Det nye musikalske prosjektet hans er smakfullt minimalistisk og varmt produsert av hans mangeårige makker, Mikhael Paskalev, og med sterke tekstar og vakre melodiar, som Alaska er så kjent for. Kritikarane har aldri vore knappe på superlativane – alt frå John Lennon-samanlikningar til lovord om tidlause 60- og 70-talsreferansar.
Når han no kjem til SundreBall får du oppleve Jonas Alaska akkurat slik han trivst aller best: På scena, tett på publikum og med heile songkatalogen innan rekkevidde. Ein kveld med nye og gamle favorittar – presentert av mannen som har skrive dei, i lag med eit knakande godt band. Dette vert stemningsfullt, dette vert stas!