Daniel Kvammen.
I Daniel Kvammen sitt musikalske univers møter bygda, byen og tenåringsangsten den store kjærleiken–både den lukkelege varianten, men òg den underfundige og ettertenksame. Geilingen har på få år blitt eit folkekjært namn her til lands. Suksessen kom så og seieover natta med Du fortenar ein som meg, som vart den mest spelte låta på NRK P3 i 2015. Det skulle ikkje mange låtar til før Daniel Kvammen fekk status som ein låtskrivar av dei sjeldne, og vart sett på som ein av dei mest spennande artistane i Norge.
Rekka av slitesterke favorittlåtar blir lengre for kvart år som går: Me dansar ikkje for moro skyld, Ingen vega utanom, Om du vil ei gong til, Gatelangs gjennom sorg og synd, Som om himmelen revna(med Lars Vaular), og no sist Einsam i lag, med Eva Weel Skram. I tillegg kan Kvammen skilte med merittar som Spellemann-pris, P3 Gull-nominasjonar, besøk hjå dei største TV-showa og leiande festivalar, tre utgitte album og eit titals radiosinglar på tre år. Slett ikkje verst for ein bygdis som starta sitt yrkesaktive liv i skiheisen på Geilo!
Med fleire hundre konsertar på CV-en har Kvammen og bandet hans opparbeidd seg eit rykte som leverandør av ei særs energisk og stor konsertoppleving.Og det er nettopp dette me kan sjå fram til frå SundreBall-scena.