Torgeir Waldemar.
Verda har ikkje blitt ein betre stad. Tvert i mot, var Torgeir Waldemar sin konklusjon etter å ha servert verda, fyrst ei eksistensiell og deretter ei politisk, rasande plate. I turbulente tider der murar blir reist og hat blir spreidd, kva skulle hovud bodskapen for den nye plata vera? Svaret var banalt, men enkelt. Waldemar og produsent AndersMøller kom fram til at det einaste me alle saman har er kvarandre–kjærleiken.
Dei som har opplevd Torgeir Waldemar med fullt band veit at det er eit øyredøvande lokomotiv av eit orkester, som uanstrengt vekslar mellom å rocke hardt, jamme psykedelisk eller spele gyngande countryrock.Det er denne bandkjensla Waldemar har gjenskapt på sitt nye album, Love, som kjem ut i januar 2020. Samstundes ligg tekstane og bodskapen i botn, og sørger for at nerven han er kjend for alltid er til stades.
Etter å ha nytt stor suksess med dei to fyrste studioalbuma sine, Torgeir Waldemar(2014) ogNo Offending Borders(2017), har Torgeir Waldemar etablert seg heilt i toppsjiktet av rocka, norske trubadurar. Medan debuten var ei innoverskuande og melankolsk plate, var oppfølgjaren eit politisk rockemonster. På minialbumet Jamais Vu(2018) kombinerte Waldemar desse to aspekta av sitt musikalske virke, der han strippaned rockelåtane og rocka opp dei akustiske låtane. Det går ein raud tråd gjennom Waldemar sin musikk, og nytt album og SundreBall-konsert blir ei naturleg fortsetting av dette.